اهـ يا امي

مر عام على ميلاد وجعي..

وكان بالامس القريب كوداعي..

كيف السنة مرت وكيف الدمعة ما جفت

كيف كان وداعي ليك..

كيف كانت مسكة ايدي لايديك

وضمة اصابعك المتشبثة بالحياة

كيف اوصفك والبسمة لاخر لحظة في ثغرك

كيف لمن حضنتك

والروح مني تشهق...

والقلب متلبسك..

عايز ينشق ينقذك

اريت الروح مني انسلت

اريتها ليك جات وامسكتك

اريت رويحتى الفيني فدتك

اريتني ما فتك وما فكيت ضمتك

وفي غمضة جفوني علي اتوجسك

اتشهدك

اتنفسك

ارجع تاني من جديد جنين في رحمك..

والزمن يقيف..

واتمدد جواك..

احفظك ...

اااه من وجع فراقك يا يمة...

ااااه من نار فرقتك

ااااه من الموت الجاثم فينا اسى

جاثم فينا فراق

وبرحمة رب العالمين نودعك...

ااااه يا امي

تلات سنين والقلب ينزف

الدمعة ما بتجف

والذكرى ترف وترف

كان الزمن وقف!!

كان الالم وقف

كان الفراق ما نشف

اااه من ميلاد عكس الوجع

قتل الفرح

سكن ترح

وما برح

اتاريها الفرقة عذاب

والموت ما اخر العذاب....